വരുന്നു മൈക്രോസോഫ്ട്ടിന്‍റെ സൗജന്യ ഇന്റര്‍നെറ്റ്‌.

രാജ്യത്തുടനീളം ഇന്റർനെറ്റ് സേവനം തികച്ചും സൗജന്യമായി ലഭ്യമാക്കുന്ന പദ്ധതിയുമായി മൈക്രോസോഫ്റ്റ് രംഗത്ത്. ടിവി ചാനലുകൾ സംപ്രേക്ഷണം ചെയ്യപ്പെടുമ്പോൾ, അവയുടെ സിഗ്നലുകൾക്കിടയിൽ രൂപപ്പെടുന്ന വൈറ്റ് സ്പേയ്സ് എന്നു വിളിക്കപ്പെടുന്ന ഉപയോഗിക്കാതെ കിടക്കുന്ന സ്പെക്ട്രം ഉപയോഗിച്ച് ഇന്റർനെറ്റ് സൗകര്യം ലഭ്യമാക്കാമെന്ന നിർദേശമാണ് മൈക്രോസോഫ്റ്റ് മുന്നോട്ടുവച്ചിരിക്കുന്നത്.

100 മീറ്റർ മാത്രമാണ് വൈഫൈ സംവിധാനത്തിന്റെ ദൂരപരിധി. എന്നാൽ വൈറ്റ് സ്പേയ്സിൽ 200 - 300 മെഗാ ഹെർഗ്സ് സ്പെക്ട്രത്തിന് പത്തു കിലോ മീറ്റർ ദൂരപരിധി ലഭിക്കും. നിലവിൽ ഉപയോഗിക്കപ്പെടാതെ കിടക്കുന്ന ഈ സ്പെക്ട്രം കേന്ദ്ര സർക്കാരിന്റെ ഉടമസ്ഥതയിലുള്ള ദൂരദർശൻ ടിവി ചാനലിന്റെ ഭാഗമാണ്.
അടിസ്ഥാന സൗകര്യത്തിന്റെ അപര്യാപ്തത മൂലം രാജ്യത്ത് ഒറ്റപ്പെട്ടുകിടക്കുന്ന പ്രദേശങ്ങളിൽ ഇന്റർനെറ്റ് സൗകര്യം ലഭ്യമാക്കുന്നതിൽ നേരിടുന്ന പ്രതിസന്ധിക്ക് ഈ പദ്ധതി പ്രയോജനകരമാകും. ആദ്യ ഘട്ടത്തിൽ രണ്ട് പ്രമുഖ ജില്ലകളിൽ പദ്ധതി ആരംഭിക്കാനുള്ള അനുമതിയ്ക്കായി കാക്കുകയാണ് മൈക്രോസോഫ്റ്റ്.

രാജ്യത്തെ രണ്ടു ലക്ഷത്തിയമ്പതിനായിരം ഗ്രാമപഞ്ചായത്തുകളെ ഇന്റർനെറ്റ് വഴി ബന്ധിപ്പിക്കുന്ന ബൃഹത് പദ്ധതി പ്രധാനമന്ത്രി അടുത്തിടെ പ്രഖ്യാപിച്ചിരുന്നു. ഇതേ തുടർന്നാണ് ആദ്യം ഫേസ്ബുക്കും ഇപ്പോൾ മൈക്രോസോഫ്റ്റും പദ്ധതിയുമായി സഹകരിക്കാൻ തയാറായി രംഗത്ത് വന്നിരിക്കുന്നത്. 

'ഈമെയി'ന് 32 വയസ്സ്; പ്രോഗ്രാം തയ്യാറാക്കിയത് ഇന്ത്യക്കാരന്‍

ഈമെയില്‍ ഇന്ന് നമ്മുടെ ദൈനംദിന ജീവിതത്തിന്റെ ഭാഗമാണ്. വ്യക്തിഗത ആവശ്യങ്ങള്‍ തുടങ്ങി കോര്‍പ്പറേറ്റുകളും രാഷ്ട്രങ്ങളുംവരെ തങ്ങളുടെ മുഖ്യആശയവിനിമയോപാധിയായി ഈമെയില്‍ ഉപയോഗിക്കുന്നു.

എന്നാല്‍, ഇന്റര്‍നെറ്റിലൂടെ അയയ്ക്കപ്പെടുന്ന ഇലക്ട്രോണിക് ആശയവിനിമയ ഉപാധിക്ക് 'ഈമെയില്‍' ( EMAIL ) എന്ന് പേരിട്ടതും, ആ സംവിധാനവുമായി ബന്ധപ്പെട്ട 'ഈമെയില്‍ പ്രോഗ്രാം' എഴുതിയുണ്ടാക്കിയതും 14 കാരനായ ഒരു ഇന്ത്യന്‍ വിദ്യാര്‍ഥിയായിരുന്നു എന്ന് എത്രപേര്‍ക്കറിയാം! അതെ, വി.എ. ശിവ അയ്യാദുരൈ എന്ന ഇന്ത്യന്‍ വിദ്യാര്‍ഥിയാണ് 'ഈമെയില്‍' സൃഷ്ടിച്ചത്.

അയ്യാദുരൈ തയ്യാറാക്കിയ ആ പ്രോഗ്രാമിന് അമേരിക്കയില്‍ പകര്‍പ്പവകാശം ലഭിച്ചിട്ട് 32 വര്‍ഷം തികഞ്ഞിരിക്കുന്നു.

വിവാദങ്ങളും അവ്യക്തകളും നിറഞ്ഞ ഈമെയിലിന്റെ ചരിത്രത്തില്‍ ഒരു ഇന്ത്യന്‍ വിദ്യാര്‍ഥിയുടെ നാമവും പ്രത്യക്ഷപ്പെടുന്നു എന്നത് കൗതുകകരമാണ്.
1960 കളില്‍ കമ്പ്യൂട്ടര്‍ നെറ്റ്‌വര്‍ക്കിങിന്റെ തുടക്കം മുതല്‍ പരിണമിച്ചുവന്ന സംവിധാനമാണ് ഈമെയില്‍. ആ ഇലക്ട്രോണിക് ആശയവിനിമയ ഉപാധിക്ക് പിന്നില്‍ ഒട്ടേറെ സാങ്കേതിക വിദഗ്ധരുടെ സംഭാവനകളുണ്ട്.

അതില്‍ ഏറ്റവും പ്രധാനപ്പെട്ട വ്യക്തി, യുഎസിലെ അര്‍പാനെറ്റ് ( ARPANET - ഇന്റര്‍നെറ്റിന്റെ മുന്‍ഗാമി) കരാറുകാരായ 'ബോള്‍ട്ട് ബെരാനെക് ആന്‍ഡ് ന്യൂമാനി'ല്‍ പ്രവര്‍ത്തിച്ചിരുന്ന റേ ടോംലിന്‍സണ്‍ ( Ray Tomlinson ) ആണ്. അദ്ദേഹമാണ് ഇന്ന് നമ്മള്‍ ഉപയോഗിക്കുന്ന ഈമെയില്‍ സങ്കേതത്തിന്റെ പ്രോട്ടോക്കോള്‍ ആവിഷ്‌ക്കരിച്ചതും, @ എന്ന ചിഹ്നത്തിന്റെ അകമ്പടിയോടെ ഒരു കമ്പ്യൂട്ടറില്‍നിന്ന് മറ്റ് കമ്പ്യൂട്ടറുകളിലേക്ക് സന്ദേശങ്ങള്‍ അയയ്ക്കാന്‍ വഴിയൊരുക്കിയതും. 1971-1972 കാലത്തായിരുന്നു അത്.

അതിനാല്‍ ഈമെയിലിന്റെ ഉപജ്ഞേതാവ് എന്ന സ്ഥാനം ടെക് ചരിത്രത്തില്‍ ടോംലിന്‍സന് ലഭിക്കുന്നു.

എന്നാല്‍, ഇന്‍ബോക്‌സ്, ഔട്ട്‌ബോക്‌സ്, ഫോള്‍ഡറുകള്‍, മെമ്മോ, അറ്റാച്ച്‌മെന്റ്, അഡ്രസ്ബുക്ക് തുടങ്ങി, ഇന്ന് എല്ലാ മെയില്‍ സംവിധാനങ്ങളിലും കാണുന്ന സാധാരണയായ കാര്യങ്ങളെല്ലാം അടങ്ങിയ ഇന്റര്‍ഓഫീസ് മെയില്‍ സിസ്റ്റത്തിനാണ് 1978 ല്‍ അയ്യാദുരൈ രൂപംനല്‍കിയത്.

ഇതിനുള്ള യുഎസ് കോപ്പിറൈറ്റ് അയ്യാദുരൈക്ക് ലഭിച്ചത് 1982 ഓഗസ്റ്റ് 30 നാണ്. അയ്യാദുരൈക്ക് ലഭിച്ച ''ഈമെയില്‍'' പകര്‍പ്പവകാശം ഇപ്പോഴും സ്മിത്‌സോണിയന്‍ ഇന്‍സ്റ്റിറ്റിയൂഷന്‍ നാഷണല്‍ മ്യൂസിയം ഓഫ് അമേരിക്കന്‍ ഹിസ്റ്ററിയില്‍ സൂക്ഷിച്ചിട്ടുണ്ട്.

1982 ല്‍ അയ്യാദുരൈയ്ക്ക് അമേരിക്കയില്‍ ലഭിച്ച കോപ്പിറൈറ്റ് നോട്ടീസ്‌

മുംബൈയില്‍ ഒരു തമിഴ് കുടുംബത്തിലായിരുന്നു അയ്യാദുരൈയുടെ ജനനം. ഏഴാം വയസ്സില്‍ അദ്ദേഹത്തിന്റെ കുടുംബം അമേരിക്കയിലേക്ക് കുടിയേറി. പതിനാലാം വയസ്സില്‍ കമ്പ്യൂട്ടര്‍ പ്രോഗ്രാമിനെകുറിച്ചുള്ള ന്യൂയോര്‍ക്ക് യൂണിവേഴ്‌സിറ്റിയുടെ സ്‌പെഷ്യല്‍ സമ്മര്‍ പ്രോഗ്രാമില്‍ അയ്യാദുരൈ പങ്കെടുത്തു.

പിന്നീട് ഹൈസ്‌ക്കൂള്‍ പഠനത്തിനായി ന്യൂജേഴ്‌സിയിലെ ലിവിങ്ടണ്‍ ഹൈസ്‌ക്കൂളില്‍ ചേര്‍ന്ന അയ്യാദുരൈ, അക്കാലത്തുതന്നെ അവിടത്തെ യൂണിവേഴ്‌സിറ്റി ഓഫ് മെഡിസിന്‍ ആന്‍ഡ് ഡെന്‍ഡിസ്ട്രിയില്‍ (UNDMJ) റിസേര്‍ച്ച് ഫെല്ലോയും ആയി.

അയ്യാദുരൈയുടെ കഴിവും അധ്വാനവും തിരിച്ചറിഞ്ഞ UMDMJ യിലെ കമ്പ്യൂട്ടര്‍ നെറ്റ്‌വര്‍ക്ക് ലൈബ്രറി ഡയറക്ടറായ ലെസ്ലി മൈക്കേല്‍സണ്‍ അവന് ഒരു അസ്സൈന്‍മെന്റ് നല്‍കി. പേപ്പര്‍ വഴി നടന്നിരുന്നു യൂണിവേഴ്‌സിറ്റിയ്ക്കകത്തെ കത്തിടപാടുകള്‍ക്ക് പകരമായി ഒരു ഇന്റര്‍ഓഫീസ് മെയില്‍ സിസ്റ്റം സൃഷ്ടിക്കാനായിരുന്നു അത്.

അതിനായുള്ള ശ്രമമാണ് 'ഈമെയില്‍ പ്രോഗ്രാം' സൃഷ്ടിക്കുന്നതിലേക്ക് അയ്യാദുരൈയെ എത്തിച്ചത്. മസാച്യൂസെറ്റ്‌സ് ഇന്‍സ്റ്റിട്ട്യൂട്ട് ഓഫ് ടെക്‌നോളജി (എംഐടി)യിലെ ഗവേഷകനാണ് അയ്യാദുരൈ ഇപ്പോള്‍

ശബ്ദത്തിന്റെ യൂട്യൂബ്

നിങ്ങള്‍ ഒരു പാട്ടുകാരനാണെന്നിരിക്കുക. സ്വന്തം പാട്ടുകളെ ഇന്റര്‍നെറ്റില്‍ ഇട്ട് ബ്ലോഗിലും മറ്റും ചേര്‍ക്കാനുള്ള സൗകര്യം ഉണ്ടായെങ്കില്‍ എത്ര നന്നായിരുന്നു അല്ലേ? സ്വന്തം വെബ്സൈറ്റില്‍ പാട്ട് അപ്ലോഡ് ചെയ്യുകയാണെങ്കില്‍ സ്ഥലപരിമിതി, ഫോര്‍മാറ്റ്, വേഗം, പ്ലേ ചെയ്യേണ്ട പ്ലഗിന്റെ വിശ്വാസ്യത അങ്ങനെ നിരവധി പ്രശ്നങ്ങള്‍.

മികച്ച പനോരമിക് ദൃശ്യങ്ങള്‍ക്ക് '360 ക്യാം'

360 ഡിഗ്രി ദൃശ്യങ്ങളെയാണ് പനോരമിക് ദൃശ്യങ്ങളെന്ന് വിളിക്കുന്നത്. പല ആംഗിളിലുള്ള ചിത്രങ്ങള്‍ സോഫ്റ്റ്‌വേറുപയോഗിച്ച് തുന്നിച്ചേര്‍ത്താണ് സാധാരണഗതിയില്‍ പനോരമിക് ഇമേജുകള്‍ സൃഷ്ടിക്കുന്നത്. ഭൂമിയും ആകാശവുമെല്ലാം ഒരൊറ്റ ഫ്രെയിമിലാക്കാവുന്ന 360 ഡിഗ്രി പനോരമിക് ക്യാമറകള്‍ വിപണിയില്‍ ലഭ്യമാണ്. എന്നാല്‍ ലക്ഷങ്ങള്‍ വിലവരുമെന്നതിനാല്‍ സാധാരണക്കാര്‍ക്ക് അത് അപ്രാപ്യമായിരുന്നു.

ക്യു.ആര്‍.കോഡ് എന്ന അത്ഭുതചതുരം

കുറപ്പും വെളുപ്പും കലര്‍ന്ന, തപാല്‍ സ്റ്റാമ്പിന്റെ വലിപ്പം മാത്രമുള്ള ഒരു ചതുരം. ക്യു.ആര്‍. കോഡിനെ ഒറ്റവാചകത്തില്‍ ഇങ്ങനെ വിവരിക്കാം. എന്നാല്‍ ഒരായിരം വാചകങ്ങളിലൊതുക്കാവുന്നതല്ല ക്യു.ആര്‍. കോഡ് നമ്മുടെ ജീവിതങ്ങളില്‍ വരുത്താന്‍ പോകുന്ന മാറ്റങ്ങള്‍. ഒരു വര്‍ഷത്തിനുള്ളില്‍ നമ്മള്‍ കണ്ണോടിക്കുന്നിടത്തെല്ലാം നിറയാന്‍ പോകുകയാണ് ഈ അദ്ഭുതചതുരം. പത്രങ്ങളിലും മാസികകളിലും ചുമരുകളിലും പരസ്യങ്ങളിലും ഇനി നമുക്കിവനെ പ്രതീക്ഷിക്കാം. പ്രശസ്തനാകാന്‍ പോകുന്ന ക്യു.ആര്‍. കോഡിന്റെ വിശേഷങ്ങളാണ് ഇവിടെ.

ഫെയ്‌സ്ബുക്ക് ഇനി നമുക്കൊപ്പം നടക്കും

പൊന്നും വില കൊടുത്ത് 'വാട്ട്സ്ആപ്പിനെ' സ്വന്തമാക്കിയതിനു പിന്നാലെ ഫെയ്സ്ബുക്ക് മറ്റൊരു ഏറ്റെടുക്കല്‍ കൂടി നടത്തി; മൂവ്സ് ( Moves ) എന്ന ആക്ടിവിറ്റി ട്രാക്കിങ് മൊബൈല്‍ ആപ്ലിക്കേഷനെ. തീര്‍ത്തും അപ്രതീക്ഷിതമായി.

സോഷ്യല്‍ മെസേജിങ് രംഗത്ത് കൊടികുത്തിവാഴുന്നത് വാട്‌സ് ആപ്പാണെങ്കില്‍ , വെറും അഞ്ചില്‍ താഴെ മാത്രം ജോലിക്കാെരവെച്ച് ഓടുന്ന മൂവ്സ് വന്‍ ഹിറ്റൊന്നുമല്ല. എത്ര വിലയ്ക്കാണ് വാങ്ങിയതെന്ന് ഫെയ്സ്ബുക്ക് വെളിപ്പെടുത്തിയിട്ടില്ല. മൊബൈല്‍ ആപ്ലിക്കേഷനുകള്‍ വാങ്ങിക്കൂട്ടി ഫെയ്സ്ബുക്ക് ഈ രംഗത്ത് പുതിയ പാതവെട്ടിത്തുറക്കുകയാണോ എന്നിങ്ങനെ ആപ്പ് രംഗത്ത് മുന്‍നിര ഇന്റര്‍നെറ്റ് കമ്പനികള്‍ നടത്തുന്ന ഏറ്റെടുക്കലുകളുടെ കണക്കുകള്‍ കൂട്ടിയും കിഴിച്ചും നോക്കുന്നതിനിടെ പലരും വിട്ടുപോകുന്ന ഒരു ഭാഗമുണ്ട്, അവരുടെ ദീര്‍ഘദൃഷ്ടിയെക്കുറിച്ച്. ഈ ഏറ്റെടുക്കലിലും ആ ദീര്‍ഘദൃഷ്ടി കണ്ടില്ലെന്നു നടിക്കാനാകില്ല. അതു മനസ്സിലാകണമെങ്കില്‍ മൂവ്സ് എന്താണെന്നറിയണം.

പോയകാലത്തേക്ക് സഞ്ചരിക്കാം, ഗൂഗിള്‍ മാപ്‌സിലൂടെ!

2007 ന് ശേഷം ലോകം എത്ര മാറി, എത്ര വിഷു വന്നു, ഓണം വന്നു... ഇത്രയും കേള്‍ക്കുമ്പോള്‍ത്തന്നെ നൊസ്റ്റാള്‍ജിയ പതുക്കെ തലപൊക്കിത്തുടങ്ങും. ഒരു പിന്‍യാത്ര- പഴയകാലം, മനസ്സില്‍ മായാത്ത ഇടങ്ങള്‍, പ്രിയപ്പെട്ട സങ്കേതം... ഇപ്പോള്‍ ഏതെന്നും എങ്ങനെയെന്നും കാണിച്ചുതരികയാണ് ഗൂഗിള്‍ . 'ടൈം മെഷീന്‍ ' എന്ന പുതിയ വിശേഷത്തിലൂടെ പോയ കാലത്തെ കാഴ്ചകള്‍ കണ്‍മുന്നിലെത്തും.

പുതുമകളോടെ ഫയര്‍ഫോക്‌സ് 29 എത്തി

ലോകത്ത് ഏറ്റവുമധികം ആളുകള്‍ ഉപയോഗിയ്ക്കുന്ന സ്വതന്ത്രസോഫ്റ്റ്‌വെയര്‍ വെബ് ബ്രൗസറായ ഫയര്‍ഫോക്‌സിന്റെ പുതിയ പതിപ്പായ ഫയര്‍ഫോക്‌സ് 29 ഒട്ടേറെ പുതുമകളോടെ പുറത്തിറങ്ങി.

ഗ്‌നു/ലിനക്‌സ്, വിന്‍ഡോസ്, മാക് ഒ.എസ്. എക്‌സ്, ആന്‍ഡ്രോയ്ഡ് തുടങ്ങി മിക്ക ഓപ്പറേറ്റിങ് സിസ്റ്റങ്ങളിലും പ്രവര്‍ത്തിയ്ക്കുന്ന ഇത് mozilla.org/firefox എന്ന വെബ്‌സൈറ്റില്‍നിന്ന് സൗജന്യമായി ഡൗണ്‍ലോഡ് ചെയ്യാം.

ഫെയ്‌സ്ബുക്കില്‍ 10 കോടി വ്യാജന്‍മാര്‍ ; കൂടുതലും ഇന്ത്യയില്‍

പ്രമുഖ സോഷ്യല്‍ നെറ്റ്‌വര്‍ക്കായ ഫെയ്‌സ്ബുക്കില്‍ ലോകമെങ്ങുമുള്ള 10 കോടി വ്യാജഅംഗങ്ങളില്‍ അധികവും ഇന്ത്യയുള്‍പ്പടെയുള്ള രാജ്യങ്ങളില്‍ . തങ്ങളുടെ അംഗങ്ങളില്‍ എത്രപേര്‍ വ്യാജന്‍മാരാകാമെന്ന കണക്ക് ഫെയ്‌സ്ബുക്ക് തന്നെയാണ് പുറത്തുവിട്ടത്.

ഫോണ്‍ ആണ്‍ഡ്രോയിഡ് ആണോ? മലയാളം ടൈപ്പിങ് ഇനി എളുപ്പം

 നിങ്ങള്‍ ആന്‍ഡ്രോയ്ഡ് ഫോണില്‍ മലയാളം ടൈപ്പ് ചെയ്യാറുണ്ടെങ്കില്‍ വരമൊഴിയെക്കുറിച്ചും മള്‍ട്ടിലിംഗ് കീബോര്‍ഡിനെക്കുറിച്ചും കേട്ടിരിക്കും. ഇതാ പുതിയ ഒരു മലയാളം ടൈപ്പിങ് അപ്ലിക്കേഷന്‍ (ആപ്) കൂടി- സ്വതന്ത്ര മലയാളം കംപ്യൂട്ടിങ്ങിന്റെ ഇന്‍ഡിക്.
ഇപ്പോള്‍ ജെല്ലിബീന്‍, കിറ്റ്കാറ്റ് എന്നീ ആന്‍ഡ്രോയ്ഡ് പതിപ്പുകളില്‍ മാത്രം പ്രവര്‍ത്തിക്കുന്ന ഈ ആപ്, ഇന്‍സ്റ്റാള്‍ ചെയ്യാനും ഉപയോഗിക്കാനും വളരെ എളുപ്പമാണ്. ഇംഗ്ലീഷില്‍നിന്ന് മലയാളത്തിലേക്കും തിരിച്ചും മാറാന്‍ ഒരൊറ്റ "തൊടല്‍" മതി.

വൈ-ഫൈയുടെ ഭാവി ഇന്ത്യയില്‍

ഇന്ത്യയില്‍ എവിടെയിരുന്നാലും ഓണ്‍ലൈന്‍വഴി ഏതാവശ്യവും എപ്പോള്‍ വേണമെങ്കിലും നടത്താവുന്ന പൊതു വൈ-ഫൈ സംവിധാനം അടുത്തിടെ യാഥാര്‍ഥ്യമാകുന്നു. യാത്രകള്‍ക്കിടെ, വൈ-ഫൈ സൗകര്യമുള്ള ഫോണ്‍, ലാപ്ടോപ്പ്, ടാബ്ലെറ്റ് എന്നിവയിലേതെങ്കിലും കൈയിലുണ്ടെങ്കില്‍ ഒരവസരത്തിലും തനിച്ചാണെന്ന തോന്നല്‍ ഉണ്ടാകില്ല. വിമാനത്തിനു കാത്തുനില്‍ക്കേണ്ടിവരുന്ന അവസരങ്ങളില്‍ സ്പ്രെഡ്ഷീറ്റില്‍ സ്വന്തം ജോലികളില്‍ തുടരാം.

ആപ്പിളിന്‍റെ സിരിക്ക് ബദലാകാന്‍ മൈക്രോസോഫ്റ്റിന്‍റെ കോര്‍ട്ടാന

ആപ്പിളിന്റെ 'സിരി'ക്കും ഗൂഗിളിന്റെ 'ഗൂഗിള്‍ നൗ'വിനും ബദലാകാന്‍ പാകത്തില്‍ മൈക്രോസോഫ്റ്റ് പുതിയ വെര്‍ച്വല്‍ അസിസ്റ്റന്റിനെ അവതരിപ്പിച്ചു. നിര്‍മിതബുദ്ധി അഥവാ ആര്‍ട്ടിഫിഷ്യല്‍ ഇന്റലിജന്‍സ് അധിഷ്ഠിതമായ ആ സര്‍വീസിന്റെ പേര് 'കോര്‍ട്ടാന' എന്നാണ്.

ഇരുപത്തിയാറാം നൂറ്റാണ്ടില്‍ നടക്കുന്നതായി പറയുന്ന ഒരു വീഡിയോ ഗെയിം കഥാപാത്രത്തിന്റെ പേരാണ് കോര്‍ട്ടാന - ചിത്രം കടപ്പാട് : ദി വെര്‍ജ്

ഉബുണ്ടു പുതിയ പതിപ്പ് പുറത്തിറങ്ങി

സ്വതന്ത്ര സോഫ്റ്റ്‌വേര്‍ ഓപ്പറേറ്റിങ് സിസ്റ്റമായ ഉബുണ്ടുവിന്റെ പുതിയ പതിപ്പ് ഉബുണ്ടു 14.04 (Trusty Tahr) ഏപ്രില്‍ 17 ന് പുറത്തിറങ്ങി. ഇതിന്റെ സി. ഡി. ഇമേജ് ഇന്റര്‍നെറ്റില്‍നിന്ന് സൗജന്യമായി ഡൗണ്‍ലോഡ് ചെയ്യാം.

പേറ്റന്റിന്റെ പേരില്‍ ആപ്പിളും സാംസങും വീണ്ടും കൊമ്പുകോര്‍ക്കുന്നു

സാംസങില്‍നിന്ന് 200 കോടി ഡോളര്‍ നഷ്ടപരിഹാരം ആവശ്യപ്പെട്ട് ആപ്പിളിന്റെ ഹര്‍ജി. ആപ്പിള്‍ ജയിച്ചാല്‍ തിരിച്ചടി ഗൂഗിളിനാകും

സ്മാര്‍ട്ട്‌ഫോണ്‍ പേറ്റന്റുകള്‍ ലംഘിച്ചുവെന്നാരോപിച്ച് ആപ്പിളും സാംസങും അമേരിക്കന്‍ കോടതിയില്‍ വീണ്ടും കൊമ്പുകോര്‍ക്കുന്നു. കാലിഫോര്‍ണിയയില്‍ സാന്‍ ജോസിലെ കോടതിയാണ് കേസ് പരിഗണിക്കുന്നത്.

വിന്‍ഡോസിന്റെ സൗജന്യ വേര്‍ഷന്‍ വരുന്നു

 

 

കാലം മാറുകയാണ്‌ അതുകൊണ്ട് ഇനി പിടിവാശിയും തന്‍പ്രമാണിത്തവും കാണിക്കുന്നത് ശരിയല്ല എന്ന് മിക്ക കമ്പനികളും മനസിലാക്കി തുടങ്ങി എന്ന് സാരം.ഉപഭോക്താക്കള്‍ക്ക്‌ ആവശ്യമായ രീതിയില്‍ പ്രവര്‍ത്തിച്ചാല്‍ മാത്രമേ ഏവര്‍ക്കും നിലനില്‍പ്പ് കാണു എന്ന സത്യം ഏറെ വൈകിയാണെങ്കിലും മൈക്രോസോഫ്റ്റും മനസിലാക്കി കഴിഞ്ഞു .

ഇന്റര്‍ നെറ്റ് പോലും ഇല്ലെതെ സൗജന്യ കോളുകള്‍ ചെയ്യാം

ഇന്റര്‍നെറ്റിലൂടെ സൗജന്യ കോളുകള്‍ എല്ലാവര്‍ക്കും പരിചിതമാണ്. എന്നാല്‍ ഇന്റര്‍ നെറ്റിന്റെ പോലും സഹായമില്ലാതെ സൗജന്യമായി ഫോണ്‍ ചെയ്യാന്‍ ഒരു സംവിധാനം ഉണ്ടാക്കിയിരിക്കുകയാണ് ബാംഗ്ലൂരിലെ മൂവര്‍ സംഘം. ഇന്റര്‍നെറ്റ് വേണ്ടാത്ത ഫ്രീ കോള്‍. ലാന്‍ഡ് ഫോണിലും മൊബൈല്‍ ഫോണിലും ഈ സൗകര്യം ലഭ്യമാണ്. ഫ്രീകാള്‍ എന്നാണ് പുതിയ സംവിധാനത്തിന്റെ പേര്. യശസ് സി ശേഖര്‍, വിജയ് കുമാര്‍ ഉമാലുതി, സന്ദേശ് എന്നിവരാണ് ഇതിന്റെ ഉപജ്ഞാതാക്കള്‍. ഇതില്‍ വിജയ് കുമാറിന്റെ ബുദ്ധിയിലാണ് ഇത്തരം ഒരു ആശയം ഉദിച്ചത്.

പല്ല് തേക്കുവാന്‍ സ്മാര്‍ട്ട് ടൂത്ത് ബ്രഷ്

ഇപ്പോള്‍ എല്ലാം സ്മാര്‍ട്ട് ആണ്, സ്മാര്‍ട്ട് ടൂത്ത് ബ്രഷ് പല്ലുതേയ്ക്കല്‍ എത്രത്തോളം ഭംഗിയായി എന്നറിയാന്‍ സാധിക്കുന്ന ലോകത്തെ ആദ്യത്തെ സ്മാര്‍ട്ട് ടൂത്ത്ബ്രഷ് രംഗത്ത്. പല്ലിന്റെ വിവരം ഓണ്‍ലൈനിലൂടെ ദന്തരോഗ വിദഗ്ധനെ അറിയിക്കാനും,
നിങ്ങള്‍ വൃത്തിയായി പല്ലുതേയ്ക്കുന്ന കാര്യം പങ്കുവെച്ച് സുഹൃത്തുകളില്‍ മതിപ്പുണ്ടാക്കാനും സഹായിക്കുന്ന

സാംസങ് ഗ്യാലക്സി എസ് 5 പുറത്തിറക്കി

ബാഴ്സലോണ: മൊബൈൽഫോൺ രംഗത്തെ അതികായന്മാരായ സാംസങ് ഗ്യാലക്സി എസ് 5 ബാഴ്സലോണയില്‍ നടക്കുന്ന വേള്‍ഡ് മൊബൈല്‍ കോണ്‍ഗ്രസിൽ പുറത്തിറക്കി. ആപ്പിള്‍ 5എസ് ഐഫോണിലേതിനു സമാനമായ ബയോമെട്രിക് സെൻസർ ബട്ടണും ഗ്യാലക്സി എസ് 5ന്റെ സവിശേഷതയാണ്. ഹോം ബട്ടണിലാണ് ഫിംഗര്‍പ്രിന്റ് സെന്‍സര്‍ ഒരുക്കിയിരിക്കുന്നത്.
അതിവേഗത്തിലുള്ള ക്യാമറയും പൊടി,​ വെള്ളം എന്നിവയെ പ്രതിരോധിക്കാൻ കഴിയുന്നതിനും ശേഷിയുള്ളതാണ് ഫോൺ.

മൈക്രോസോഫ്റ്റ് വിന്‍ഡോസ് 8.1 വില കുറച്ചേക്കും

മൈക്രോസോഫ്റ്റിന്റെ ഓപ്പറേറ്റിംങ് സിസ്റ്റമയാ വിന്‍ഡോസ് 8.1ന്റെ വില കുറയ്ക്കാന്‍ കമ്പനി തയ്യാറെടുക്കുന്നു. 70ശതമാനം വരെ വില കുറയ്ക്കാനാണ് കമ്പനി തയ്യാറെടുക്കുന്നത്.
നിലവില്‍ വിന്‍ഡോസ് 8.1 ന് 50ഡോളറാണ് നല്‍കേണ്ടത്.

ലൂപ് മൊബൈലിനെ എയര്‍ടെല്‍ ഏറ്റെടുക്കുന്നു