സാംസങ് ഗ്യാലക്സി എസ് 5 പുറത്തിറക്കി

ബാഴ്സലോണ: മൊബൈൽഫോൺ രംഗത്തെ അതികായന്മാരായ സാംസങ് ഗ്യാലക്സി എസ് 5 ബാഴ്സലോണയില്‍ നടക്കുന്ന വേള്‍ഡ് മൊബൈല്‍ കോണ്‍ഗ്രസിൽ പുറത്തിറക്കി. ആപ്പിള്‍ 5എസ് ഐഫോണിലേതിനു സമാനമായ ബയോമെട്രിക് സെൻസർ ബട്ടണും ഗ്യാലക്സി എസ് 5ന്റെ സവിശേഷതയാണ്. ഹോം ബട്ടണിലാണ് ഫിംഗര്‍പ്രിന്റ് സെന്‍സര്‍ ഒരുക്കിയിരിക്കുന്നത്.
അതിവേഗത്തിലുള്ള ക്യാമറയും പൊടി,​ വെള്ളം എന്നിവയെ പ്രതിരോധിക്കാൻ കഴിയുന്നതിനും ശേഷിയുള്ളതാണ് ഫോൺ.

ഇന്ത്യയടക്കം നൂറ്റിയന്പത് രാജ്യങ്ങളിൽ ഏപ്രിൽ 11 മുതൽ ഗ്യാലക്സി എസ് 5 വിപണിയിലെത്തും. 5.1 ഇഞ്ച് 1080 x 1920 അമോലെഡ് ഡിസ്‌പ്ളേയുള്ള ഫോണ്‍ കാഴ്ചയില്‍ ഏറക്കുറെ ഗ്യാലക്സി എസ് 4നു സമാനമാണ്. 2.5ജിഗാ ഹെർട്സ് ക്വാഡ് കോര്‍ പ്രോസസർ‍, 2 ജിബി റാം, 16 ജിബി, 32 ജിബി ഇന്റേണല്‍ സ്റ്റോറേജ് തുടങ്ങിയവയ ഫോണിന്റെ പ്രത്യേകതകളാണ്.
നാലു വിവിധ നിറങ്ങളില്‍ ലഭിക്കുന്ന ഫോണിന്റെ വില പുറത്തു വിട്ടിട്ടില്ല.