കാറ്റുണ്ടോ..? മൊബൈല്‍ ചാര്‍ജ് ചെയ്യാം

വൈദ്യുതിയില്ല എന്ന പേരില്‍ മൊബൈല്‍ ഫോണ്‍ ചാര്‍ജ് ചെയ്യാതിരിക്കേണ്ട. ഇതാ കാറ്റില്‍നിന്നു മൊബൈല്‍ ഫോണ്‍ ചാര്‍ജ് ചെയ്യാനുള്ള മാര്‍ഗം കണ്ടെത്തിയിരിക്കുന്നു. എപ്പോഴും കൂടെ കൊണ്ടുപോകാന്‍ സാധിക്കുന്ന കാറ്റാടിയന്ത്രങ്ങത്തില്‍നിന്ന് ഉദ്പാദിപ്പിക്കുന്ന ഊര്‍ജം ഉപയോഗിച്ചാണ് ഈ സംവിധാനത്തില്‍ മൊബൈല്‍ ഫോണ്‍ ചാര്‍ജ് ചെയ്യുന്നത്.

ഇന്ത്യക്കാരിയായ സ്മിത റാവുവിന്റെ നേതൃത്വത്തില്‍ അമേരിക്കയിലെ ടെക്‌സസിലെ ആര്‍ലിംഗ്്്ടണ്‍ സര്‍വകലാശാലയില്‍ നടത്തിയ ഗവേഷണങ്ങളിലാണ് പുതിയ സംവിധാനം കണ്ടെത്തിയത്.
ഒറിഗാമിശില്‍പങ്ങളില്‍നിന്നു ലഭിച്ച ആശയങ്ങളാണ് സ്മിതക്ക് ഈ പുതിയ കണ്ടുപിടുത്തത്തിന് പ്രചോദനമായത്. ഒരു പ്രത്യേക തരത്തിലുള്ള ലോഹക്കൂട്ടുകൊണ്ടാണ് ഈ കാറ്റാടി യന്ത്രങ്ങള്‍ നിര്‍മിക്കുന്നത്.
തായവാനിലെ മൈക്രോ ഇലക്ട്രിക് കമ്പനിയാണ് ഈ പുതിയ കണ്ടുപിടുത്തത്തിലും അത് ഉണ്ടാക്കാനിടയുള്ള സാമ്പത്തിക ലാഭത്തെയും മുന്‍കൂട്ടി കണ്ടത്. സര്‍വകലാശാല ഇതിന്റ താല്‍കാലിക പേറ്റന്റിനു അപേക്ഷിച്ചിട്ടുണ്ട്.