വാട്ട്സ്ആപ്പിനുമേല്‍ ഗൂഗിളിനും കണ്ണ്.

അതിവേഗം വളര്‍ന്നു കൊണ്ടിരിക്കുന്ന മൊബൈല്‍ മെസ്സഞ്ചര്‍ ആപ്ലിക്കേഷനായ വാട്ട്‌സ് ആപ്പിനെ പത്തൊന്‍പത് ബില്ല്യണ്‍ ഡോളറിന് മാര്‍ക്ക് സുക്കര്‍ബര്‍ഗിന്റെ ഫേസ്ബുക്ക് സ്വന്തമാക്കിയ വാർത്തകൾക്ക് പിന്നാലെ വാട്ട്സ് ആപ്പിനെ സ്വന്തമാക്കാൻ ഗൂഗിളും ശ്രമിച്ചിരുന്നതായി റിപ്പോർട്ടുകൾ. യാഹൂ ജീവനക്കാരായിരുന്ന ബ്രയാണ്‍ ആക്ടനും ജാന്‍ കൗമും ചേര്‍ന്ന് 2009ല്‍ ആരംഭിച്ചതാണ് വാട്ട്‌സ്ആപ് കമ്പനി. 

വാട്ട്‌സ് ആപ്പിനും ടെലഗ്രാമിനും പിന്നാലെ മൊബൈല്‍ മെസ്സേജിംഗ് ലോകം കീഴടക്കാന്‍ ടോക്‌റേ

വളരെ ചുരുങ്ങിയ സമയം കൊണ്ട് ലോകത്തെ പ്രമുഖ മൊബൈല്‍ മെസ്സേജിംഗ് ആപ്ലിക്കേഷനായി മാറിയ വാട്ട്‌സ് ആപ്പിനു വെല്ലുവിളിയായുമായി ടെലഗ്രാം എന്ന പുതിയ ആപ്പ് രംഗത്തെത്തിയത് കഴിഞ്ഞയാഴ്ച്ചകളില്‍ ടെക്‌ലോകം ആകാംക്ഷയോടെ ശ്രവിച്ച വാര്‍ത്തകളിലൊന്നായിരുന്നു. (ആ വാര്‍ത്ത ഇവിടെ). വാട്ട്‌സ് ആപ്പിനു ബദലായെത്തിയ മൊബൈല്‍ ചാറ്റ് ആപ്ലിക്കേഷനായ ടെലഗ്രാമിനും വെല്ലുവിളിയുയര്‍ത്തിയാണ് മൊബൈല്‍ കോളിംഗ് ആപ്ലിക്കേഷനായ ടോക്‌റേയുടെ വരവ്. വാട്ട്‌സ് ആപ്പ്, ടെലഗ്രാം, വൈബര്‍ ഉള്‍പ്പെടെയുള്ള മുന്‍നിര മൊബൈല്‍ അധിഷ്ഠിത സേവന ദാതാക്കളെക്കാള്‍ മികച്ച സേവനം ടോക്‌റേയില്‍ ലഭ്യമാക്കിയിട്ടുണ്ടെന്നാണ് അണിയറക്കാരുടെ അവകാശവാദം.