സൈബര്‍ ആക്രമണം: പാസ്‌വേഡ് മാറ്റാന്‍ ഈബേയുടെ മുന്നറിയിപ്പ്‌

ഇന്റര്‍നെറ്റിലെ ഏറ്റവും വലിയ ലേല സൈറ്റായ ഈബേ ആക്രമിക്കപ്പെട്ടു. തങ്ങളുടെ ഒരു ഡേറ്റാബേസിന് നേരെ സൈബര്‍ ആക്രമണം നടന്നതായും, ഉപയോക്താക്കള്‍ ഉടന്‍ പാസ്‌വേഡുകള്‍ മാറ്റണമെന്നും കമ്പനി മുന്നറിയിപ്പ് നല്‍കി.

കഴിഞ്ഞ ഫിബ്രവരി അവസാനമാണ് ഡേറ്റാബേസ് ആക്രമിക്കപ്പെട്ടതെന്ന് ഈബേ ( eBay ) അറിയിച്ചു. എന്‍ക്രിപ്റ്റ് ചെയ്ത പാസ്‌വേഡുകളും മറ്റ് ചില വിവരങ്ങളും സൂക്ഷിച്ചിട്ടുള്ള കേന്ദ്രമാണ് ആക്രമിക്കപ്പെട്ടത്.