ലോകത്തിലെ ഏറ്റവും ചെറിയ ലാപ്ടോപ്പ് അഡാപ്റ്റര്‍ പുറത്തിറങ്ങി

ലോകത്തിലെ ഏറ്റവും ചെറിയ ലാപ്ടോപ്പ് അഡാപ്റ്റര്‍ പുറത്തിറങ്ങി അമേരിക്കന്‍ ഓണ്‍ലൈന്‍ മാര്‍ക്കറ്റായ കിക്ക്സ്റ്റാര്‍ട്ടറിലൂടെയാണ് ഇത് വിപണിയില്‍ എത്തിയിരിക്കുന്നത്. ജനുവരിയില്‍ നടന്ന ലാസ്വേഗസിലെ കണ്‍സ്യൂമര്‍ ഇലക്ട്രോണിക്ക് ഷോയിലാണ് ഈ അഡാപ്റ്റര്‍ വികസിപ്പിച്ചത്. ഫിന്‍സിക്സ് എന്ന സ്ഥാപനമാണ് ഇത് വികസിപ്പിച്ചത്. 65 വാള്‍ട്ടാണ് ഈ അഡാപ്റ്ററിന്‍റെ ശേഷി. ഈ കണ്ടുപിടുത്തതിന് ഏറ്റവും മികച്ച സ്റ്റാര്‍ട്ട് അപ്പ് കണ്ടുപിടുത്തത്തിനുള്ള അന്താരാഷ്ട്ര അംഗീകാരത്തിനുള്ള നോമിനേഷനും ലഭിച്ചിരുന്നു. 76 ഡോളറാണ് ഇതിന്‍റെ ഓണ്‍ലൈന്‍ വില. സാധാരണ ലാപ്ടോപ്പ് അഡാപ്റ്ററിനെക്കാള്‍ നാല് മടങ്ങ് ചെറുതും. ആറ് മടങ്ങ് മെലിഞ്ഞതുമാണ് ഈ അഡാപ്റ്റര്‍ എന്നാണ് നിര്‍മ്മാതക്കളുടെ വാദം. എന്നാല്‍ തല്‍ക്കാലം ഇന്ത്യയില്‍ ഈ അഡാപ്റ്റര്‍ ലഭിക്കില്ല.