വിക്കിപീഡിയയെ വിശ്വസിക്കാനാവില്ല; വായനക്കാര്‍ കുറയുന്നു

ഡല്‍ഹി: ഇന്റര്‍നെറ്റ് ലോകത്ത് സര്‍വ്വവിജ്ഞാന കോശമെന്ന് അറിയപ്പെടുന്ന വിക്കിപീഡിയയില്‍ വായനക്കാര്‍ കുറഞ്ഞുവരുന്നതായി റിപ്പോര്‍ട്ട്. വിക്കിപീഡിയയില്‍ വരുന്ന ലേഖനങ്ങളും വിവരങ്ങളും പൂര്‍ണമായും വിശ്വസിക്കാന്‍ കഴിയുന്നില്ല എന്നത് തന്നെയാണ് വായനകാര്‍ കുറയാന്‍ പ്രധാന കാരണം.
ഇതിനെല്ലാം പുറമെ ഇന്റര്‍നെറ്റ് ഭീമന്‍ ഗൂഗിളും ഈ മേഖലയില്‍ മികച്ച മുന്നേറ്റമാണ് നടത്തിക്കൊണ്ടിരിക്കുന്നത്.

 വിവരങ്ങളുടെ റഫറന്‍സ് കേന്ദ്രമായിരുന്ന ഏറ്റവും തിരക്കേറിയ ആറാമത്തെ സൈറ്റുമായ വിക്കീപീഡിയയെ ഗൂഗിള്‍ സെര്‍ച്ചില്‍ നിന്ന് പിന്തള്ളാനും തുടങ്ങിയിട്ടുണ്ട്. ഗൂഗിള്‍ സെര്‍ച്ചിംഗ് വിക്കിപീഡിയക്ക് തടയിടാന്‍ തുടങ്ങിയതോടെ വായനക്കാരുടെ എണ്ണത്തെ കാര്യമായി ബാധിച്ചിട്ടുണ്ട്.
2012 മുതല്‍ 2013 വരെയുള്ള കണക്കുകളാണ് ഇപ്പോള്‍ പുറത്ത് വിട്ടിരിക്കുന്നത്. വിക്കിപീഡിയയുടെ വായനക്കാരുടെ എണ്ണത്തില്‍ കഴിഞ്ഞ ഒരു വര്‍ഷത്തില്‍ 10 ശതമാനത്തിന്റെ കുറവുണ്ടായിട്ടുണ്ട്. കഴിഞ്ഞ ഒരു വര്‍ഷത്തെ വിക്കിപീഡിയുടെ യുനീക് സന്ദര്‍ശകര്‍ 52.3 കോടിയാണ്.